Qırğızıstan Çin investoru ilə razılaşmanı ləğv etdi
Qırğızıstan hökuməti İssık-Kul gölünün sahilində inşa olunması planlaşdırılan Asman ekoloji şəhəri layihəsi üzrə Çinli investorla bağladığı razılaşmanı rəsmən ləğv edib.
Crossmedia.az xarici mediaya istinadən bildirir ki, Qırğızıstan Prezidenti Sadır Japarov 2023-cü ilin iyun ayında layihənin təməlini qoymuş və bu münasibətlə xüsusi kapsul yerləşdirmişdi. Layihə ölkənin ən iri və innovativ şəhər təşəbbüslərindən biri kimi təqdim olunurdu.
2024-cü ilin noyabrında Qırğızıstan hökuməti Asman şəhərinin tikintisi üçün 480 milyon dollar vəsait ayrıldığını açıqlamışdı. Bu məbləğ ilkin mərhələnin maliyyələşdirilməsi üçün nəzərdə tutulmuşdu.
Layihənin ümumi dəyəri təxminən 20 milyard dollar olaraq qiymətləndirilirdi. Şəhərin 7-8 il ərzində tam şəkildə istifadəyə verilməsi planlaşdırılırdı.
Razılaşmanın hansı səbəbdən ləğv olunduğu barədə rəsmi açıqlama verilməsə də, ekspertlər bunu tərəflər arasında yaranan fikir ayrılıqları və maliyyə məsələləri ilə əlaqələndirirlər.
Fatimə Nəbiyeva
03:39 04.05.2025
Oxunuş sayı: 704
