ABŞ-SDQ planı: Əsgərlər bölgədən çəkilmir, mövqe dəyişir
Suriyanın şimal-şərqində yerləşən Kamışlı şəhərində təşkil edilən və SDQ (Suriya Demokratik Qüvvələri) ilə Barzaniyə bağlı ENKS-in ortaq keçirdiyi “Kürd Milli Birlik Konfransı” beynəlxalq səviyyədə diqqət çəkib. Toplantıda ABŞ, Fransa, İngiltərə və bəzi ərəb ölkələrinin rəsmi nümayəndələrinin iştirakı müşahidə olunub.
Crossmedia.az xəbər verir ki, bu barədə "haber global" məlumat yayıb.
Belə ki, toplantının gündəliyində bölgədə federal və ya muxtar idarəçiliyin qurulması, Suriya dövlətinin adının, bayrağının və himninin dəyişdirilməsi kimi mübahisəli təkliflər yer alıb. Ekspertlər bu planların Suriyanın unitar dövlət quruluşuna təhdid yaratdığını vurğulayırlar.
Yeni yol xəritəsi: Mövqe dəyişikliyi
ABŞ-nin bölgədəki hərbi mövcudluğunun azaldılması planları çərçivəsində qüvvələrin tam çəkilmək əvəzinə, yerlərinin dəyişdirildiyi bildirilir. Təhlükəsizlik mütəxəssisləri bu prosesin, ABŞ və Fransanın YPG/PKK-nı qorumaq məqsədi daşıdığını qeyd edirlər. Bildirək ki, Qərb qüvvələrinin yerini Fransanın doldura biləcəyi ehtimalları müzakirə olunur.
Türkiyədən sərt reaksiya
Konfransın nəticələrinə ilk reaksiya Türkiyədən gəlib. MHP lideri Dövlət Bahçeli toplantını sərt tənqid edib. Milli Müdafiə Nazirliyi isə “Suriyanın unitar yapısına zərər verəcək heç bir addıma icazə verilməyəcək” açıqlaması ilə narahatlığını bildirib.
Barzaninin rolu və beynəlxalq planlar
Ekspert Ünal Atabay bildirib ki, toplantı Barzaninin vasitəçiliyi və Qərbin dəstəyi ilə həyata keçirilib. Onun sözlərinə görə, Barzani İraqdakı federal modelin Suriyaya da ixrac edilməsində aktiv rol oynayır. ABŞ və Fransa isə SDQ-ni beynəlxalq təhlükəsizlik “şəmsiyyəsi” altına almağa çalışır.
“İraq modeli Suriyada işləmir”
Beynəlxalq münasibətlər üzrə professor Kamer Kasım isə bildirib ki, bu model Suriyada işlək olmayacaq. Onun fikrincə, Rusiyanın Ukrayna ilə müharibədə olduğu bir vaxtda İngiltərə və Fransanın Suriyada hərbi gücünü artırması real deyil.
Fatimə Məmmədova
23:31 03.05.2025
Oxunuş sayı: 5516
