Hindistan Qələbə Günü paradında baş nazir səviyyəsində təmsil olunmayacaq
Moskvada keçiriləcək 9 May Qələbə Günü paradında Hindistanın baş naziri Narendra Modinin iştirak etməsi planlaşdırılsa da, səfər son anda ləğv edilib.
Crossmedia.az xəbər verir ki, India Todayin məlumatına görə, Modi qərarını Hindistan və Pakistan arasında artan gərginliklə əsaslandırıb.
Baş nazirin əvəzinə Rusiyaya Hindistanın müdafiə nazirinin səfəri gözlənilirdi. Lakin o da Moskvaya getməkdən imtina edib. Nəşr ehtimal edir ki, Hindistanı paradda müdafiə nazirinin müavini Sancay Set təmsil edəcək.
Qeyd edək ki, bundan əvvəl Ukrayna prezidenti Volodimir Zelenski Moskva paradına qatılacaq dünya liderlərinin təhlükəsizliyinə zəmanət verə bilməyəcəyini açıqlamışdı.
Bu kontekstdə Ukrayna xarici işlər nazirinin müavininin son vaxtlar Azərbaycana etdiyi səfərin məqsədinin Bakı rəhbərliyini Moskvadakı paradda iştirak etməməyə inandırmaq olduğu ehtimal olunur.
Mədinə Cəlilova
22:10 03.05.2025
Oxunuş sayı: 7693
