Trampın müşaviri Uoltzun vəzifədən uzaqlaşdırılmasının səbəbləri məlum oldu
ABŞ prezidenti Donald Trampın milli təhlükəsizlik üzrə müşaviri Mayk Uoltzu işdən çıxarması birbaşa şəkildə “Signalgate” qalmaqalı ilə əlaqəli deyil.
Crossmedia.az xəbər verir ki, bu barədə The Washington Post məlumat yayıb.
Nəşrin məlumatına görə, əsas narazılıq Uoltzun İrana qarşı mümkün hərbi əməliyyatlarla bağlı İsrailin baş naziri Benyamin Netanyahu ilə prezidentlə görüşdən əvvəl koordinasiya aparması olub. Tramp bu addımı xoş qarşılamayıb, çünki ABŞ-nin diplomatik vasitələrinin hələ tükənmədiyinə inanırdı.
Mənbələr bildirir ki, Trampın müşavirindən narazılığı bir müddətdir formalaşırdı və “Signalgate” messencer qalmaqalı sadəcə “son damla” olub. Qeyd edək ki, qalmaqal zamanı Uoltzun hökumət kommunikasiyasından kənar, şifrəli mesajlaşma tətbiqindən istifadə etdiyi üzə çıxmışdı.
Mədinə Cəlilova
21:43 03.05.2025
Oxunuş sayı: 7983
