Yəmən Baş naziri istefa verdi
Yəmənin Baş naziri Əhməd Əvəd bin Mübarək vəzifəsindən istefa etdiyini açıqlayıb.
Crossmedia.az Bin Mübarəyin X platformasında paylaşımına istinadən xəbər verir ki, o, istefa qərarını ictimaiyyətlə bölüşüb. O, açıqlamasında “Bir qədər əvvəl (Yəmən) Prezidentlik Şurasının sədri Rəşad əl-Alimi ilə görüşümü tamamladım və ona Baş nazir vəzifəsindən istefa verdiyimi təqdim etdim,” – deyə bildirib.
Bin Mübarək özündən sonra bu vəzifəyə gələcək şəxsə uğurlar arzulayaraq, xalqı çətin dövrdə yeni Baş nazirə dəstək olmağa və ətrafında birləşməyə çağırıb.
Yəmən rəsmiləri hələlik yeni Baş nazirin kim olacağı ilə bağlı rəsmi açıqlama verməyiblər.
Mədinə Cəlilova
21:30 03.05.2025
Oxunuş sayı: 8537
