Zelenski: Zəmanət verə bilmərik
Ukrayna Prezidenti Volodimir Zelenski bəyan edib ki, 9 May — Qələbə Günü münasibətilə Rusiya ilə hər hansı bir atəşkəsə getmək niyyətində deyil. O, həmçinin Moskvada keçiriləcək hərbi paradda iştirak etməyi planlaşdıran dünya liderlərinə xəbərdarlıq edib.
Crossmedia.az xəbər verir ki, bu barədə xarici media mənbələri məlumat yayıb.
“9 Mayla bağlı Rusiyaya gedən və ya getməyi planlaşdıran bütün ölkələrə münasibətimiz çox sadədir: biz Rusiya Federasiyası ərazisində baş verənlərə görə məsuliyyət daşımırıq. Onlar sizə təhlükəsizlik təmin edir, biz isə heç bir zəmanət verə bilmərik”, – Zelenski bildirib.
Zelenskinin bu açıqlaması Rusiya ilə davam edən müharibə fonunda Qələbə Günü paradına beynəlxalq reaksiyaların bir hissəsi kimi qiymətləndirilir.
Fatimə Məmmədova
17:35 03.05.2025
Oxunuş sayı: 8705
