Mərkəzi Asiya – Fars Körfəzi Əməkdaşlıq Şurası sammiti qeyri-müəyyən müddətə təxirə salındı
5 may 2025-ci il tarixində Səmərqənddə keçirilməsi planlaşdırılan “Mərkəzi Asiya – Fars Körfəzi Əməkdaşlıq Şurası” (GCC) sammiti qeyri-müəyyən müddətə təxirə salınıb.
Crossmedia.az xarici mediaya istinadla xəbər verir ki, qərar qarşılıqlı razılıq əsasında qəbul olunub.
Tərəflər yeni tarixlə bağlı məsləhətləşmələri davam etdirir və sammitin dəqiq vaxtı və digər detalları ilə bağlı əlavə məlumat veriləcək. Açıqlamada həmçinin bu əməkdaşlıq formatı çərçivəsində dialoqun və tərəfdaşlığın gücləndirilməsi istiqamətində səylərin davam edəcəyi qeyd olunub.
Qeyd edək ki, ikinci sammitə Özbəkistan Prezidenti Şavkat Mirziyoyevin sədrliyi ilə Qazaxıstan, Qırğızıstan, Tacikistan, Türkmənistan və Özbəkistan liderləri, eləcə də Səudiyyə Ərəbistanı, BƏƏ, Küveyt, Bəhreyn, Oman və Qətərdən olan Körfəz ölkələrinin rəhbərlərinin qatılması gözlənilirdi. Xatırladaq ki, “Mərkəzi Asiya – GCC” formatında ilk sammit 2023-cü ildə Səudiyyə Ərəbistanının Ciddə şəhərində baş tutmuşdu.
Aydan Quliyeva
17:53 02.05.2025
Oxunuş sayı: 8381
