Dünyada 1 May: Bütün ölkələrin işçiləri birləşdi
1 May Əmək və Həmrəylik Günü bu il də dünya üzrə müxtəlif ölkələrdə yürüş və mitinqlərlə qeyd olundu. Həmkarlar ittifaqlarının təşkilatçılığı ilə keçirilən aksiyalarda minlərlə insan iştirak etdi.
Crossmedia.az xarici mediaya istinadən xəbər verir ki, hətta bəzi ölkələrdə isə etirazçılarla polis arasında qarşıdurmalar yaşandı.
Yunanıstan:
Afina şəhərində Mübariz İşçi Həmkarlar İttifaqları Cəbhəsi (PAME), Dövlət Qulluqçuları Konfederasiyası (ADEDY) və Ümumi İşçi Konfederasiyasının (GSEE) çağırışı ilə insanlar parlament binası qarşısına yürüş etdilər. Aksiyaçılar iki il əvvəl baş verən və 57 nəfərin ölümü ilə nəticələnən qatar qəzasının məsuliyyətinin müəyyənləşdirilməsini, artan həyat bahalılığına qarşı tədbirlər görülməsini, kollektiv müqavilələrin yenilənməsini və maaşların artırılmasını tələb etdilər. Mitingdə “Fələstinə azadlıq” şüarları səsləndirildi, Pire limanında isə 24 saatlıq ümumi tətil elan edildi.
Fransa:
Dunkirk şəhərində Ümumi Əmək Konfederasiyası (CGT) üzvləri yürüş keçirdilər.
Avstriya:
Paytaxt Vyanada təşkil edilən yürüşdə şəhərin meri Mihael Ludviq mitinqdə çıxış etdi.
İtaliya:
Romada həmkarlar ittifaqlarının təşkil etdiyi aksiyada “sülh” yazılmış nəhəng göy qurşağı bayrağı nümayiş etdirildi.
Filippin:
Manila şəhərində etirazçılarla polis arasında qarşıdurmalar baş verdi.
Argentina:
Buenos-Ayresdə Ümumi İşçi Konfederasiyasının (CGT) təşkil etdiyi yürüşdə minlərlə insan iştirak etdi. Etirazçılar Prezident Xavyer Milei hökumətinə qarşı narazılıqlarını bildirdilər. Aksiyanın 1 maydan bir gün əvvəl elan edildiyi və bu tarixin xüsusilə seçildiyi bildirildi. Nümayiş iştirakçıları həmçinin Papa Fransiskin xatirəsinə ehtiram duruşunda da oldular.
Cənubi Koreya:
Cənubi Koreya Həmkarlar İttifaqları Konfederasiyasının (KCTU) üzvləri Seulda keçirilən mitinqə qatıldılar.
Yaponiya:
Tokioda keçirilən yürüşdə etirazçılar həmkarlar ittifaqlarının hüquqlarının qorunması, dinc və demokratik Yaponiya arzusu ilə yanaşı, maaşların artırılması, ordunun böyüməsinə qarşı çıxılması və gender bərabərliyinin təmin olunduğu bir cəmiyyət üçün vergi artımı çağırışları etdilər.
Digər ölkələrdə də çıxışlar dəvam etdirilib.
Mədinə Cəlilova
19:53 01.05.2025
Oxunuş sayı: 5357
