Putin: Rusiya müdafiə sahəsində bir addım öndədir və bu üstünlük qorunacaq
Rusiya Prezidenti Vladimir Putin bildirib ki, dünyanın dörd bir yanındakı ordular Rusiyanın müdafiə qabiliyyətini diqqətlə araşdırır. Onun sözlərinə görə, Rusiya müdafiədə bir addım öndədir və bu üstünlük gələcəkdə də qorunacaq.
Crossmedia.az Rusiya mətbuatına istinadən xəbər verir ki, Putin bu fikirləri Hərbi-Sənaye Komissiyasının iclasında səsləndirib. O qeyd edib ki, xüsusi əməliyyatlar zamanı istifadə olunan taktika və texnologiyalar beynəlxalq hərbi mütəxəssislər üçün öyrənmə mövzusuna çevrilib.
Dövlət başçısı lazer komplekslərinə, dəniz dronlarına və süni intellektlə işləyən sistemlərə xüsusi diqqət yetirildiyini vurğulayıb. Rusiya mediasının məlumatına görə, Putin iclasda “Süni intellekt böyük imkanlar açır və biz belə həlləri daha fəal şəkildə tətbiq etməliyik” deyə bildirib.
O həmçinin kəşfiyyat və rabitə üçün orbitdə peyk qruplaşmasının yaradıldığını açıqlayıb və Rusiyanın hərbi texnologiya sahəsində liderliyini davam etdirdiyini qeyd edib.
Putinin sözlərinə görə, 2024-cü ildə Rusiya ordusu müxtəlif növ 1,5 milyondan çox pilotsuz uçuş aparatı və 4 min zirehli texnikaya sahib olacaq.
Mədinə Cəlilova
21:00 23.04.2025
Oxunuş sayı: 9892
