Ticarət müharibəsi qızışır: Tramp Çin mallarına 145% vergi tətbiq etdi
ABŞ Prezidenti Donald Tramp bu vasitədən ABŞ-ın Çinlə ticarət müharibəsində istifadə edir. O, Çin mallarına 145%-ə qədər tariflər tətbiq edib, Çin isə cavab olaraq ABŞ məhsullarına 125% vergi qoyub.
Crossmedia.az BBC agentliyinə istinadla xəbər verir ki,Trampın siyasəti yalnız Çinlə məhdudlaşmır o, dünyanın əksər ölkələrindən gətirilən məhsullara da 10%-lik vergi tətbiq edib. Lakin bəzi ölkələr üçün bu yüksək tariflər 90 günlük müddətə dayandırılıb.
Prezident Tramp deyir ki, bu tariflər ABŞ istehsalını gücləndirəcək və yerli iş yerlərini qoruyacaq. Lakin bu addımlar dünya iqtisadiyyatında qeyri-sabitlik yaradıb və qiymətlərin artacağı gözlənilir.
Beynəlxalq Valyuta Fondu (BVF) qlobal iqtisadi artım proqnozunu aşağı salıb və tariflərin yaratdığı qeyri-müəyyənliyin xüsusilə ABŞ iqtisadiyyatına zərbə vuracağını bildirib.
Nigar Rəhimova
17:45 23.04.2025
Oxunuş sayı: 7716
