Atəşkəs danışıqları zərbə aldı: ABŞ nümayəndələri Londona getmir
ABŞ-ın yüksək səviyyəli rəsmiləri, o cümlədən Dövlət Katibi Marko Rubio və xüsusi nümayəndə Stiv Vitkoff, bu həftə Londonda keçiriləcək Rusiya-Ukrayna atəşkəs danışıqlarından geri çəkiliblər. Bu qərar, ABŞ-ın danışıqları birbaşa Moskva ilə davam etdirmək niyyətində olduğunu göstərir.
Crossmedia.az BBC agentliyinə istinadla xəbər verir ki, Rubio və Vitkoffun yerinə, ABŞ-ın Ukrayna üzrə xüsusi nümayəndəsi, general Kit Kellogg danışıqlarda iştirak edəcək. ABŞ tərəfi bu görüşləri "texniki müzakirələr" kimi qiymətləndirir. Rubio isə bu həftə Moskvada keçiriləcək danışıqlara fokuslanacaq.
ABŞ-ın bu addımı, Avropa liderləri arasında narahatlıq yaradıb. Onlar, ABŞ-ın Rusiya ilə birbaşa danışıqlar aparmasının Avropa və Ukraynanı kənarda qoyacağından ehtiyat edirlər. Xüsusilə, Rusiya Prezidenti Vladimir Putinin Krımın Rusiya ərazisi kimi tanınması və işğal olunmuş digər ərazilərdə mövcud vəziyyətin dondurulması təklifləri, Avropa İttifaqı və NATO-nun mövcud siyasətləri ilə ziddiyyət təşkil edir.
Nigar Rəhimova
16:25 23.04.2025
Oxunuş sayı: 8893
