İslami Cihadın iki yüksək səviyyəli nümayəndəsi Suriyada həbs edilib
İslami Cihadın silahlı qanadı olan Qüds Tuqayları, təşkilatın iki yüksək səviyyəli üzvü Xalid Xalid və Yəsir əl-Zəfərinin beş gündür Suriyada həbsdə olduğunu açıqlayıb.
Crossmedia.az Qüds Tuqaylarının bəyanatına istinadən xəbər verir ki, Suriyada İslami Cihad əməliyyatlarına rəhbərlik edən Xalid Xalid və təşkilat komitəsinin rəhbəri Yəsir əl-Zəfəri səbəbi açıqlanmayan bir şəkildə və “qardaşlarından gözləmədikləri” tərzdə həbs olunublar.
Məlumata əsasən, Suriya Daxili işlər nazirliyindən bir rəsmi bu xəbəri təsdiqləyib, lakin həbsin səbəbinə dair sualları cavabsız qoyub. Şamda yerləşən fələstinli bir mənbə də məlumatı təsdiqləyib.
8 dekabr 2024-cü ildə Bəşər Əsəd rejiminin devrilməsindən sonra ABŞ-nin Suriyaya qarşı sanksiyaların qismən ləğvi üçün yeni hakimiyyətə bir sıra şərtlər təqdim etdiyini bildirib. Mənbələrə görə, həmin şərtlər arasında “İran tərəfindən dəstəklənən fələstinli qruplarla məsafə qoyulması” da yer alıb.
Mədinə Cəlilova
20:13 22.04.2025
Oxunuş sayı: 9540
