Dəraa vilayətində hərbi nəzarət gücləndirilir
Suriyanın Müdafiə Nazirliyi, keçmişdə tam nəzarətində olmayan cənub bölgələrində, xüsusilə Dəraa vilayətində nəzarəti gücləndirmək səylərinin bir hissəsi olaraq, hərbi əməliyyatların yenidən təşkilinə başlayıb. Bu addım, Birləşmiş Ərəb Əmirliklərinin dəstəyi ilə əvvəllər müxalif qrup olmuş, lakin sonradan orduya inteqrasiya edilən Səkkizinci Briqadanın hökumət qüvvələrinə silahlarını təhvil verməsindən bir neçə gün sonra atılıb.
Crossmedia.az "Asharq Al-Awsat” nəşrinə istinadən xəbər verir ki, Suriya Daxili İşlər Nazirliyi qonşu Əs-Süveyda vilayətinə silah daşımağa cəhd edən bir avtomobildə gizlədilmiş böyük silah və sursat anbarını ələ keçirib və sürücünü həbs edib.
Bəzi Səkkizinci Briqada üzvlərinin, qrupun buraxıldığının elan edilməsindən sonra öz silahlarını saxladıqları və bölgədə iğtişaşlar yaratmaq üçün istifadə edə biləcəkləri ilə bağlı narahatlıqlar var.
Bazar ertəsi günü Suriya Müdafiə Nazirliyi, Dəraa vilayətinin şərq hissəsindəki sakinlərdən hərbi xidmət üçün ərizə qəbuluna başlayıb. Yeni çağırışçılar üçün təlim kursunun iki həftə ərzində başlanacağı gözlənilir. Cəlbetmə kampaniyası bazar günü Busra-əş-Şamda keçirilən görüşdən sonra başlayıb. Bu görüşdə 40-cı diviziyanın komandanı polkovnik Binyamin əl-Həriri, Müdafiə Nazirliyinin yüksək vəzifəli şəxsləri və bölgənin keçmiş liderləri iştirak edib.
Görüşün məqsədi hərbi işin nizamlanması və həm yeni, həm də keçmiş hərbi qulluqçuların Müdafiə Nazirliyində qeydiyyata alınması olub.
Zeynəb Yunuszadə
18:40 22.04.2025
Oxunuş sayı: 745
