Tramp güclü dövlətlər arasında rəqabət yox, birliyi hədəfləyir
ABŞ prezidenti Donald Tramp böyük dövlətlər arasında rəqabəti deyil, onların birliyini və əməkdaşlığını əsas götürən dünya nizamı yaratmaq istəyir.
Crossmedia.az xəbər verir ki, bu barədə "Foreign Affairs" jurnalı yazır.
Nəşrin fikrincə, Trampın dünya görüşü güclü dövlətlər arasında qarşıdurmaya deyil, razılaşmaya əsaslanır. Jurnal bu sistemi XIX əsrdə Avropada mövcud olan “konsert” modelinə bənzədir.
“Tramp güclü liderlərin idarə etdiyi bir dünya düzəni istəyir. Bu liderlər hər zaman harmoniyada olmasalar da, məqsədyönlü şəkildə birlikdə çalışırlar”, – deyə məqalədə qeyd olunur.
Qeyd olunur ki, Trampın əsas hədəfi Çin və Rusiya ilə birlik yaratmaqdır. O, bu dövlətləri geridə qoymaq yox, onları əməkdaşlığa cəlb etməklə qlobal qaydaları birlikdə müəyyənləşdirmək niyyətindədir.
Məqalədə vurğulanır ki, Çin, Rusiya və ABŞ müxtəlif üsullarla üstünlük əldə etməyə çalışsalar da, hər üç ölkə dünya nizamının birgə sistemi daxilində mövcud olduqlarını və bu sistemdə başlıca rol oynadıqlarını anlayırlar.
Fatimə Məmmədova
15:36 22.04.2025
Oxunuş sayı: 11317
