KİV: İsrail İranın hava məkanını pozub yeraltı obyektləri vuracaq
"İranın nüvə silahı proqramına hücum etmək artıq fantaziya deyil".
Crossmedia.az xəbər verir ki , bu barədə "Fox News" telekanalı məlumat yayıb.
Telekanal mümkün hücumda İsrailin reaktiv donanması ilə İranın hava məkanını pozacağını, Amerikanın B-2 təyyarələrinin isə yeraltı obyektləri hədəf alacağını bildirib.
“2024-cü ilin oktyabr hücumlarında İsrail İrandakı 20-yə yaxın hədəfə, o cümlədən hava hücumundan müdafiə sistemləri, raket və dron zavodlarına zərbələr endirmək üçün 100-dən çox döyüş təyyarəsi göndərib. İranın nüvə proqramının zərərsizləşdirilməsinə hədəflənən addım yenidən hava hücumundan müdafiə vasitələrinin məhv edilməsinə yönələcək”, - deyə, vurğulanıb.
Qeyd olunub ki, ABŞ Hərbi Dəniz Qüvvələrinin təyyarədaşıyan gəmiləri “Harry S. Truman” və “Carl Vinson” hazırda Fars körfəzindədir və husilərə qarşı əməliyyatlar aparır. Ancaq hər an diqqətini İrana yönəldə bilər.
13:55 22.04.2025
Oxunuş sayı: 8443
