KİV: ABŞ İranla müharibə olacağı təqdirdə Türkiyənin neytrallığını təmin etmək istəyir
ABŞ İranla hərbi münaqişə yaranacağı təqdirdə neytrallığı qorumaq, həmçinin Suriya hava məkanından istifadəyə mane olmamaq xahişi ilə Türkiyəyə üz tutmaq imkanını nəzərdən keçirir. Crossmedia.az bu barədə Türkiyənin “Hürriyet” qəzetinə istinadən məlumat yayıb.
Nəşrin məlumatına görə, ABŞ-İran danışıqları nəticə verməsə, bu məsələ Türkiyə və ABŞ prezidentlərinin görüşündə qaldırıla bilər.
Qeyd olunur ki, Ankaranın İsrailin İrana mümkün zərbəsi ilə bağlı narahatlığına baxmayaraq, Türkiyədən hərbi əməliyyatlara müdaxilə etməməsi və münaqişəyə qarışmaması tələbi gözlənilir.
Bundan əlavə, qəzet Səudiyyə Ərəbistanı, Qətər və BƏƏ-nin də daxil olduğu Yaxın Şərq turu çərçivəsində Trampın may ayında Türkiyəyə mümkün səfərindən xəbər verir. Marşrut dəyişdirilərsə, görüş iyunda Ərdoğanın ABŞ-a səfəri zamanı baş tuta bilər.
07:32 22.04.2025
Oxunuş sayı: 911
