KİV: Yadplanetlilər sovet hərbçilərini öldürüb
ABŞ-nin Mərkəzi Kəşfiyyat İdarəsinin məxfilikdən çıxardığı sənədlərə əsasən, 1987-ci ildə Sibirdə sovet hərbçiləri ilə naməlum uçan obyekt (UFO) arasında baş verən qarşıdurma zamanı 23 hərbçi həyatını itirib.
Crossmedia.az xəbər verir ki, bu barədə “Haber Global” məlumat yayıb.
Hadisə zamanı UFO-nun vurulmasından sonra içərisindən çıxan beş yadplanetli varlıq birləşərək parlaq bir işıq topuna çevrilib və partlayaraq hərbçilərin həyatına son qoyub.
Hadisədən sağ qalan iki hərbçinin ifadələrinə əsasən, bu varlıqların yaratdığı enerji partlayışı nəticəsində əsgərlərin orqanizmi əhəngdaşı molekulyar quruluşuna çevrilib. Hərbçilərin qalıqları və UFO-nun hissələri daha sonra Moskvaya yaxın gizli bir tədqiqat mərkəzinə aparılıb.
Bu hadisənin reallığı hələ də mübahisəlidir və bəzi mütəxəssislər tərəfindən şübhə ilə qarşılanır. Lakin, hadisənin detalları və sənədlərin mövcudluğ bu iddiaların ciddi şəkildə araşdırılmasına səbəb olmuşdur.
Nigar Rəhimova
19:48 21.04.2025
Oxunuş sayı: 1034
