Hava limanında Tramp böhranı: İkinci “Boeing” təyyarəsi də Çindən ABŞ-yə geri dönür
ABŞ və Çin arasında ticarət müharibəsi aviasiya sektoruna da təsir edib. ABŞ Prezidenti Donald Trampın gömrük tariflərini artıraraq başladığı ticarət münaqişəsi fonunda, ABŞ-nin aviasiya nəhəngi “Boeing”in Çin üçün istehsal etdiyi ikinci sərnişin təyyarəsi də ABŞ-yə geri qayıdıb.
Crossmedia.az “Bloomerg” istinadən xəbər verir ki, Çin hökuməti yerli hava yollarına “Boeing”dən daha çox təyyarə qəbul etməməyi tapşırıb. Dünən isə Çin mərkəzli “Xiamen Airlines” üçün nəzərdə tutulmuş “Boeing 737 MAX” model sərnişin təyyarəsinin ABŞ-yə qayıtdığı bildirilib.
Uçuş izləmə məlumatlarına əsasən, ikinci “Boeing 737 MAX 8” təyyarəsi də birinci təyyarənin marşrutunu izləyərək Guam adasında enib. “AirNav Radar” məlumatları, ikinci təyyarənin “Boeing”in Şanxay yaxınlığındakı Chjouşan tamamlama mərkəzindən ayrıldığını göstərib. Guam, bu tip təyyarələrin Sietldə yerləşən “Boeing” istehsalat mərkəzi ilə Chjouşan tamamlama mərkəzi arasında 8 min kilometrlik marşrut üzrə dayanma nöqtələrindən biridir. İlk təyyarə də geri dönüş zamanı Guam və Havay adalarında yanacaq doldurmaq üçün dayanmışdı.
20 aprel bazar günü Sietlə qayıdan ilk təyyarənin üzərində Çin mərkəzli “Xiamen Airlines” şirkətinin loqosu olub. Təyyarələrin geri qaytarılması qərarının hansı tərəf tərəfindən verildiyi isə hələ dəqiq bilinmir.
ABŞ Prezidenti Tramp bu ay Çin mənşəli məhsullara tətbiq olunan gömrük rüsumunu 145 faizə yüksəldib, Çin isə cavab olaraq 125 faiz rüsumla cavab verib. Bu çərçivədə Pekin administrasiyasının yerli hava yollarına ABŞ-ın aviasiya nəhəngi “Boeing”dən təyyarə almamağı tövsiyə etdiyi xəbərləri yayılıb.
Bundan əvvəl Çinin ən böyük üç hava yolu şirkəti olan “Çin Hava yolları”, “China ” və “Çin Şərq Hava limanı” Çin Cənub Hava yolları”ın 2025–2027-ci illər arasında müvafiq olaraq 45, 53 və 81 ədəd “Boeing” təyyarəsi təhvil alması planlaşdırılırdı.
Mədinə Cəlilova
18:22 21.04.2025
Oxunuş sayı: 7747
