Şimali Koreyadan Rusiyaya göndərilən sursatların sayı açıqlanıb
Böyük Britaniyanın Açıq Mənbələr Mərkəzinin (OSC) analizinə əsasən, 2023-cü ilin sentyabrından 2025-ci ilin martına qədər Şimali Koreyadan Rusiyaya 64 gəmi reysi ilə sursat göndərilib.
Bu barədə Crossmedia.az (OSC)-yə istinadən məlumat verir.
Bu səfərlərdə cəmi 15,809 konteynerin göndərildiyi hesabatı aparılıb. Bu da ehtimal edilən hesablamalarla 4-6 milyon sursat edir. Ukraynanın Hərbi Kəşfiyyat İdarəsi (GUR) bunların 4 milyon artilleriya mərmisi olduğunu (bunlardan 3 milyonu 122 mm və 152 mm kalibrində) bildirir. Amma minaatan mərmiləri və raket mərmiləri bu sayda nəzərə alınmır.
Sursatların daşınmasında "Angara", "Maria", "Maya-1" və "Lady R" adlı konteyner gəmiləri iştirak edir. Bu gəmilər, Şimali Koreyanın Radjin limanından, Rusiyanın Şərq və Dunay limanlarına konteynerlər göndərir. Sonra, mərmilər dəmir yolu ilə Ukrayna sərhədindəki yaxın anbarlara göndərilir.
Ən böyük anbar isə Krasnodar bölgəsində Tixoretskdədir. Təchizatın intensivliyi 2024-cü ilin yanvar ayında zirvəyə çatıb. O zaman Şimali Koreyadan Rusiyaya 7 partiya sursat göndərilib. Orta hesabla, daşınmalarda iştirak edən gəmilər ayda üç reys ediblər. 2025-ci ilin fevralında dörd reys, martın ilk yarısında isə iki reys həyata keçirilib.
Ukrayna və qərb rəsmilərinin qiymətləndirmələrinə görə, Rusiyanın 2024-cü ildəki istehsalı 2-2.3 milyon artilleriya mərmisidir.
Moskva həmçinin Piongyangdan ballistik raketlər, uzaq mənzilli artilleriya və reaktiv atəş sistemləri alıb.
Ukrayna kəşfiyyatının qiymətləndirməsinə görə, Şimali Koreya Rusiyaya 148 ədəd KN-23 və KN-24 əməliyyat-taktiki ballistik raketləri, 120 ədəd 170 mm-lik özünümobil artilleriya qurğusu və 120 ədəd 240 mm-lik reaktiv atəş sistemləri tədarük edib.
Ukraynalı rəsmilər, bildirirlər ki, Şimali Koreyadan sursat tədarükü hal-hazırda Rusiya ordusunun ön cəbhədəki ehtiyaclarının yarısını qarşılayır.
Nuray Mikayıllı
15:38 21.04.2025
Oxunuş sayı: 9093
