Xarici xəbərlər
Hakan Fidan: "Avropa siyasətçiləri İmamoğlunun həbsi məsələsində ikili standartlar nümayiş etdirir"
Türkiyənin xarici işlər naziri Hakan Fidan İstanbul bələdiyyə sədri postunu tutan İmamoğlunun həbsinə avropalı siyasətçilərin reaksiyasına münasibət bildirib:
"Avropalı siyasətçilər Türkiyədə müxalifət liderlərindən biri, Cümhuriyyət Xalq Partiyasının (CHP) üzvü Əkrəm İmamoğlunun həbsi ilə bağlı ikili standartlar nümayiş etdirirlər".
Crossmedia.az türk mənbələrinə istinadən xəbər verir ki, Fidan bəzi ölkələrin türk müxalifətçisinin həbsi məsələsini gündəmə gətirmək istədiyinə işarə edib. Diplomatik departamentin rəhbəri xatırladıb ki, Marin Le Penin Fransada korrupsiyada ittiham olunanda avropalı siyasətçiləri qınamayıblar.
"Rumıniyada ikinci tura qədər seçkilərdə qalib gələn namizədi təqib etdiniz və onun siyasi fəaliyyətinə qadağa qoydunuz. Moldovada bölgənin seçilmiş rəhbərini həbs etdiniz. Bunu pislədinizmi? Xeyr", - Fidan qeyd edib.
Nazir əlavə edib ki, bu üç nümunəni deyəndə avropalı rəqibləri susur. Fidan siyasətçiləri tutduqları mövqedəki uyğunsuzluğa görə qınayıb.
"İkili standartlar var. Əgər bu işə başqaları kimi yanaşmasanız, mən sizin tənqidinizi ciddi qəbul etməyəcəyəm", - Fidan vurğulayıb.
10:06 21.04.2025
Oxunuş sayı: 4492
