Erşin Tatar: “Kiprə sülh gətirən Türk Ordusudur”
Şimali Kipr Türk Cümhuriyyətinin (ŞKTC) Prezidenti Ersin Tatar Kiprdə sülhün və təhlükəsizliyin qorunmasında Türkiyə Silahlı Qüvvələrinin rolunu xüsusi vurğulayıb.
Tatar bildirib ki, “əgər artıq 50 ildən çoxdur bu adada əmin-amanlıq içində yaşayırıqsa, bu, qəhrəman Türk Ordusunun sayəsində mümkün olub”.
Crossmedia.az xarici mediaya istinadən bildirir ki, ŞKTC rəhbəri, Kiprli türklərin kimliyinin qorunmasının vacibliyini qeyd edərək deyib: “Kiprli türk kimliyimiz nə qədər önəmlidirsə, Anadoludakı Türkiyə ilə qurduğumuz ayrılmaz bağ da bizim üçün bir o qədər dəyərlidir”.
Qeyd edək ki, Şimali Kipr Türk Cümhuriyyəti 1974-cü ildə adaya Türkiyə Silahlı Qüvvələrinin müdaxiləsindən sonra, kiprli türklərin qorunması məqsədilə yaradılıb və yalnız Türkiyə tərəfindən tanınır.
Zəhra Ağayeva
09:13 21.04.2025
Oxunuş sayı: 8441
