İsrailin İranın nüvə obyektlərinə hücum planı yalanlandı
İsrailin xarici işlər naziri Gideon Saar ölkəsinin İranın nüvə obyektlərinə hücum etməyi planlaşdırdığına dair yayılan məlumatları təkzib edib.
Crossmedia.az xarici mediaya istinadən bildirir ki, Gideon Saar “İsrailin Təhlükəsizlik Kabinetinin üzvü kimi bütün qapalı görüşlərdə iştirak edirəm və belə bir qərarın verildiyini xatırlamıram. Amma İsrailin məqsədi İranın nüvə silahı əldə etməsinin qarşısını almaqdır. Bu məqsədə diplomatik yolla nail olmaq mümkün olarsa, bu, qəbul ediləndir”, – deyə qeyd edib.
Qeyd edək ki, bundan əvvəl Reuters agentliyi mənbələrə istinadla İsrailin yaxın aylarda İranın nüvə obyektlərinə hücum edə biləcəyini yazmışdı. Bildirilirdi ki, ABŞ Prezidenti Donald Tramp bu addımı dəstəkləməyə hazır olmasa da, İsrail bu mövqeyindən geri çəkilməyib.
Zəhra Ağayeva
09:00 21.04.2025
Oxunuş sayı: 9167
