Livan ordusu İsrailə raket hücumu cəhdinin qarşısını alıb
Livan ordusu ölkənin cənubundan İsrailə raket hücumu cəhdinin qarşısını aldığını açıqlayıb.
Crossmedia.az Livan mediasına istinadən xəbər verir ki, ordunun yaydığı rəsmi məlumata görə, hadisə ilə bağlı aprelin 16-da saxlanılan şəxslərin dindirilməsi davam edir.
Bildirilir ki, mart ayında Livanın cənubundan İsrail istiqamətində atılan raketlərlə bağlı aparılan araşdırmalar çərçivəsində kəşfiyyat məlumatı əsasında Cənubi Səidə şəhərinin əz-Zəhrani bölgəsində yerləşən bir evə reyd keçirilib.
"Reyd zamanı evdən bir neçə raket və atış meydançaları ələ keçirilib. Hadisə ilə əlaqədar bir neçə nəfər saxlanılıb", – deyə Livan ordusunun açıqlamasında qeyd olunub.
Qeyd olunur ki, araşdırmalar davam edir və təhlükəsizlik qüvvələri bölgədə mümkün risklərin qarşısını almaq üçün tədbirləri gücləndirib.
Aybəniz Səfərova
16:27 20.04.2025
Oxunuş sayı: 714
