Norveç qaz kəmərləri təhlükədə: Rusiya diversiyaları və Avropanın enerji təhlükəsizliyi
Rusiya qazının Avropaya axını kəsildikdən sonra Norveç Almaniyanı enerji böhranından xilas etdi.
Crossmedia.az xarici mənbəyə istinadən xəbər verir ki, hazırda Almaniya Norveçdən gələn üç əsas sualtı qaz kəmərinə güvənir. 2022-ci ilin sentyabrında baş vermiş “Şimal Axını”na qarşı sabotaj hücumundan sonra, Norveç öz qaz kəmərlərinin təhlükəsizliyini prioritetə çevirib.
Norveçin Haakonsvern hərbi bazasından idarə olunan donanma qüvvələri bu kritik infrastruktur obyektlərini mühafizə etmək üçün NATO ilə birlikdə genişmiqyaslı manevrlər həyata keçirir. Qaz kəmərləri, internet kabelləri və elektrik xətləri kimi infrastrukturun qorunması üçün sualtı robotlardan istifadə olunur”.
Donanma rəhbəri Kirre Haugen, Rusiya xüsusi xidmət orqanlarının Avropada təxribatlar törətməkdə bacarıqlı olduğunu qeyd edir və xüsusilə Rusiya sualtı qayıqlarını izlədiklərini bildirib.
Norveç sahilləri boyunca sualtı qaz kəmərlərinin ümumi uzunluğu 8800 kilometr təşkil edir və bu infrastrukturun zərər görməsi halında Qərbi Avropada yeni enerji böhranı baş verə bilər. Norveç donanması şübhəli gəmiləri izləyir, lazım gəldikdə isə araşdırma üçün limana yönəldir”.
14:25 20.04.2025
Oxunuş sayı: 522
