NATO hava məkanında gərgin anlar: İngiltərə Rusiya təyyarələri qarşı-qarşıya
Böyük Britaniyanın Kral Hərbi Hava Qüvvələri (RAF) son 48 saat ərzində NATO hava məkanını qorumaq məqsədilə iki dəfə həyəcan siqnalı ilə havaya qalxıb.
Crossmedia.az-ın Britaniya mediasına istinadən verdiyi xəbərə görə, Tayfun tipli döyüş təyyarələri Rusiya aviasiyasının NATO sərhədlərinə təhlükəli şəkildə yaxınlaşmasına cavab olaraq fəaliyyətə keçib.
Məlumata əsasən, çərşənbə axşamı günü Polşada yerləşən Malbork aviabazasından qalxan iki RAF təyyarəsi Baltik dənizi üzərində uçan Rusiya kəşfiyyat təyyarəsini müşayiət etmək üçün havaya qalxıb.
Eyni həftə ərzində Kalininqrad istiqamətindən qalxan digər Rusiya təyyarəsinə də müdaxilə edilib.
Kremlə məxsus hərbi təyyarələrin NATO sərhədlərinə bu qədər yaxın uçması Qərbdə narahatlıq doğurur. Britaniya tərəfi bu cür uçuşları "təxribat xarakterli" qiymətləndirir.
Hərbi müşahidəçilər vəziyyəti "səmanın səssiz gərginliklə titrəməsi" kimi xarakterizə edirlər.
Aybəniz Səfərova
13:21 20.04.2025
Oxunuş sayı: 6797
