Qırğızıstan rəqəmsal somdan istifadəni qanuniləşdirdi
Qırğızıstan Prezidenti Sadır Japarov Milli Bank haqqında konstitusiya qanununa dəyişiklikləri təsdiqləyib. Bu dəyişikliklər rəqəmsal somun pilot rejimdə istifadəsinə imkan verir.
Crossmedia.az xarici mediaya istinadən bildirir ki, yeni qanuna əsasən, rəqəmsal somun emissiyası və dövriyyəsi üzrə bütün səlahiyyətlər yalnız Qırğızıstan Milli Bankına məxsus olacaq. Rəqəmsal valyuta xüsusi platforma üzərindən yalnız elektron formada qanuni ödəniş vasitəsi kimi istifadə ediləcək.
Milli Bank həmçinin maliyyə təşkilatları üçün ödəniş qaydaları hazırlayacaq və fırıldaqçılığın qarşısını almaq məqsədilə kriptoqorunma meyarlarını müəyyənləşdirəcək. Tənzimləyici orqanın fikrincə, rəqəmsal som milli valyutanın ənənəvi formalarını əvəz etməyəcək, sadəcə onları tamamlayaraq maliyyə əməliyyatlarını asanlaşdıracaq və ölkənin maliyyə sisteminin işini yaxşılaşdıracaq.
Zəhra Ağayeva
13:00 19.04.2025
Oxunuş sayı: 725
