Trampın ad günündə hərbi parad planı
ABŞ prezidenti Donald Tramp 79-cu ad günündə, ABŞ ordusunun yaranmasının 250-ci ildönümü münasibətilə Vaşinqtonda hərbi parad keçirmək istəyir.
Crossmedia.az "The Hill" nəşrinin administrasiyadakı mənbələrə istinadən verdiyi məlumata görə xəbər verir ki, paradın 14 iyun tarixində keçiriləcəyi planlaşdırılır. Parad zamanı əsgər kolonları və hərbi texnika Pentaqondan Ağ Evə doğru 6 kilometr məsafədə hərəkət edəcək.
Xatırladaq ki, ABŞ-da sonuncu tamformatlı hərbi parad 1991-ci ildə İraqa qarşı qələbə münasibətilə keçirilib. Tramp prezidentliyinin birinci dövründə də parad təşkil etmək istəmişdi, lakin bu təşəbbüs 92 milyon dollarlıq yüksək xərclərə görə həyata keçirilməmişdi.
11:05 19.04.2025
Oxunuş sayı: 7820
