İsrail müdafiə naziri: İranın nüvə silahı əldə etməsinə imkan verməyəcəyik
İsrail müdafiə naziri İsrail Kats bəyan edib ki, ölkəsi İranın nüvə silahı əldə etməsinin qarşısını almaq üçün mümkün olan hər şeyi etməyə hazırdır.
“Baş nazir Benyamin Netanyahu ilə birlikdə İranın nüvə silahı əldə etməsinin qarşısını almaq üçün qəti mövqe sərgiləməyə sadiqik. İsrail dövlətinə qarşı məhvetmə təhdidlərinə icazə verməyəcəyik. Bu, bizim məsuliyyətimiz və tarixi vəzifəmizdir və bu məqsədə çatmaq üçün nə lazımdırsa, edəcəyik”,– deyə İsrail müdafiə nazirliyi Katsın sözlərini sitat gətirib.
Crossmedia.az bildirir ki,nazir həmçinin əlavə edib ki, vəzifəyə təyin olunduğu zaman qarşısına iki əsas məqsəd qoyub: İranın nüvə silahına sahib olmasının qarşısını almaq və Qəzza zolağında müharibəni qalibiyyətlə başa vurmaq. “Hazırda İsrail Müdafiə Qüvvələri (IDF) bütün cəbhələrdə qəti qələbə üçün çalışır”,– deyə o vurğulayıb.
Fidan Xəlilova
20:57 18.04.2025
Oxunuş sayı: 8207
