Xarici xəbərlər

İraq XİN rəhbəri: Türkiyə regionun sabitliyi üçün vacib tərəfdaşdır

İraqın Baş nazirinin müavini və xarici işlər naziri Fuad Hüseyn Türkiyənin regional sabitliyin təmin olunmasında mühüm tərəfdaş olduğunu bəyan edib.

Crossmedia.az bildirir ki,bu barədə “Anadolu” agentliyi məlumat yayıb.

İraq Xarici İşlər Nazirliyinin verdiyi açıqlamaya görə, Fuad Hüseyn iki ölkə arasında təhlükəsizlik və iqtisadiyyat sahələrində əməkdaşlığın sürətlə inkişaf etdiyini vurğulayıb.

“Biz terrorizmlə mübarizə və sərhədlərin idarə olunması kimi ortaq problemlərin həlli istiqamətində əməkdaşlığı gücləndirmək üçün səylər göstəririk. Türkiyə regional sabitliyin təmin edilməsində vacib tərəfdaşdır”,-deyə İraqın baş diplomatı qeyd edib.

Qeyd edək ki,Suriyadakı vəziyyəti şərh edən Fuad Hüseyn bildirib ki, bu ölkədə sabitliyin bərpası bütün regionun təhlükəsizliyi üçün əsas amildir.

Fidan Xəlilova

🖨 Çap et

20:32 15.04.2025

Oxunuş sayı: 1842