Rusiyada ilk dəfə könüllü təslim olan hərbçi həbs cəzası aldı
Çavuş İvanişin 15 il azadlıqdan məhrum edildi
Rusiyada ilk dəfə bir hərbçi, Ukrayna ordusuna könüllü təslim olduğu üçün həbs cəzasına məhkum edilib.
Crossmedia.az xəbər verir ki, “Kommersant”qəzetinin məhkəmə ilə bağlı verdiyi məlmata görə, ölkənin Uzaq Şərqində yerləşən hərbi məhkəmə Çavuş Roman İvanişini könüllü təslim olmaq, fərarilik və iki dəfə təslim olmağa cəhd ittihamları ilə 15 il həbsə məhkum edib. Onun rütbəsi də geri alınıb.
İvanişinin 2023-cü ilin iyununda Ukraynanın şərqində əsir götürüldüyü, 2024-cü ilin yanvarında isə BƏƏ-nin vasitəçiliyi ilə baş tutan əsir mübadiləsi çərçivəsində Rusiyaya qaytarıldığı bildirilib.
Daha sonra Saxalin bölgəsində yerləşən motoatıcı briqadanın hərbi bazasına göndərilən Ivanishin burada həbs olunub. Məhkəmə prosesi 17 martda başlayıb və qapalı şəkildə keçirilib. Proseslə bağlı ictimaiyyətə məhdud informasiya verilib.
Prokurorlar 16 il həbs cəzası tələb etsə də, Yujno-Saxalinskdəki məhkəmə 15 il hökm çıxarıb. İvanişinin günahsız olduğunu bildirib.
Xatırladaq ki, Rusiya 2022-ci ilin sonunda könüllü təslim olma, fərarilik və hərbi xidmətdən imtina kimi hallara görə cəzaları sərtləşdirən qanun qəbul etmişdi. Müharibə şəraiti, səfərbərlik və hərbi vəziyyət isə cəzanı ağırlaşdıran amillər kimi qəbul edilir.
Prezident Vladimir Putin 2022-ci ilin sentyabrında, Ukraynaya genişmiqyaslı hücumdan bir neçə ay sonra qismən səfərbərlik elan etmişdi. Bu qərar hələ də rəsmi şəkildə ləğv olunmayıb.
Mədinə Cəlilova
20:17 15.04.2025
Oxunuş sayı: 981
