Paşinyan Azərbaycanla sülh sazişi və Minsk qrupunun buraxılması haqqında sənəd imzalamağı təklif edib
Ermənistanın baş naziri Nikol Paşinyan Azərbaycanla sülh sazişini və ATƏT-in Minsk qrupunun buraxılması haqqında bəyannaməni eyni vaxtda imzalamağı təklif edib.
Crossmedia.az xəbər verir ki, o, bu barədə parlamentdə çıxışı zamanı bildirib.
N.Paşinyanın sözlərinə görə, "Ermənistan və Azərbaycan arasında sülh və dövlətlərarası münasibətlərin qurulması haqqında saziş" layihəsi razılaşdırılıb, tərəflər imzalanma ilə bağlı müzakirə mərhələsindədirlər.
"Azərbaycan rəsmi səviyyədə sazişin imzalanmasını iki məsələ ilə əlaqələndirir - onlardan biri ATƏT-in Minsk qrupunun strukturlarının buraxılmasıdır. Mən dəfələrlə bəyan etmişəm ki, bu gündəm Ermənistan Respublikası üçün məqbuldur. Əgər biz Qarabağ münaqişəsi səhifəsini bağlayırıqsa - biz bunu edirik, Qarabağ münaqişəsi ilə məşğul olan strukturun mövcudluğunun nə mənası var?", - N. Paşinyan bildirib.
12:13 15.04.2025
Oxunuş sayı: 1456
