Trampın hakimiyyətə gəlişi erməniləri məyus edib – Deputatdan maraqlı açıqlama
ABŞ-da baş verən siyasi dəyişikliklər, Donald Trampın hakimiyyətə gəlməsi dünya ölkələrində, o cümlədən Ermənistanda böyük müzakirələrə səbəb olub. Bu məsələ erməni lobbisində və erməni sosial şəbəkələrində gündəmin mövzularında birinə çevrilib. Co Baydenin hakimiyyətdən getməsi və Donald Trampın yenidən prezident seçilməsi erməniləri narahat edən siyasi dəyişikliklər kimi qiymətləndirilib.
Bu barədə Crossmedia.az-a açıqlama verən Milli Məclisin deputatı Müşfiq Cəfərov deyib ki, Donald Tarmpın gəlişi Co Bayden administrasiyasına güvənən Ermənistan Baş naziri Nikol Paşinyanı pis vəziyyətdə qoydu: “ABŞ-da keçirilən prezident seçkilərində Respublikaçılar Partiyasının namizədi Donald Trampın qalib gəlməsi Ermənistanda məyusluqla qarşılanıb. Bunu erməni politoloqlar və siyasi ekspertlərin açıqlama və şərhlərindən, erməni sosial şəbəkələrindəki paylaşımlardan açıq aşkar sezmək olur.
Demokratları təmsil edən əvvəlki prezident Co Bayden qondarma “erməni soyqırımı”nı tanıyıb, 2023-cü ildə isə o, 23 illik fasilədən sonra Azərbaycana birbaşa maliyyə yardımlarını qadağan edən “907-ci düzəliş”in icrasına imza atıb. Sözsüz ki, Bayden Adminisistrasiyasının bu addımları erməniləri sevindimişdi. Ermənilər düşünürdülər ki, Demokratlar Partiyasının namizədi Kamala Harrisin hakimiyyətə gəlişi onlara ikinci nəfəs verəcək.
Amma düşündükləri kimi olmadı, artıq prezident Trampın yeni komandası var, o, yeni insanlar və müşavirlərlə əhatə olunub. Ermənistan və erməni lobbi təşkilatlarının yeni prezidentlə uzlaşmasının reallaşması mümkün görünmür. Tramp ənənəvi olaraq "Amerika amerikalılar üçün" ideyasının təbliğinə diqqət yetirir ki, bu da Respublikaçıların səylərini daha çox daxili problemlər üzərində cəmləşdirmək siyasətində öz əksini tapıb və qlobal neft-qaz sektorunda üstünlük təşkil edir”.
Nurcan İsmayılova
17:38 09.04.2025
Oxunuş sayı: 1744
