İsrail gecə boyu Qəzzaya hücumlar edib
İsrail ordusu gecə boyu atəşkəsi pozaraq Qəzza zolağının müxtəlif bölgələrinə hücumlar edib.
Crossmedia.az TRT Haber-ə istinadən xəbər verir ki, hücum nəticəsində 1-i jurnalist, 6-sı qadın və 4-ü uşaq olmaqla 17 fələstinli həyatını itirib.
İsrail ordusu Qəzza zolağının müxtəlif bölgələrinə, xüsusilə mərkəzi hissədəki Deyr əl-Bəlah bölgəsinə hücum edib.
Hücumların hədəfi olan yerlər arasında Nasser xəstəxanası yaxınlığında jurnalistlərin yaşadığı çadır da olub.
Bölgədəki səhiyyə mənbələri gecə boyu həyata keçirilən digər hücumlarda 15 fələstinlinin həlak olduğunu bildirib.
Xatırladaq ki, yanvarın 19-da Qəzza zolağında qüvvəyə minən atəşkəsdən sonra İsrail ordusu martın 18-i səhər saatlarında şiddətli hücumlara başlayıb.
Çinarə Tarverdiyeva
12:57 07.04.2025
Oxunuş sayı: 549
