Danimarka Trampın Qrenlandiya ilə bağlı açıqlamalarını tənqid edib
Danimarka ABŞ Prezidenti Donald Trampın Qrenlandiya ilə bağlı açıqlamalarına kəskin reaksiya verib.
Crossmedia.az xəbər verir ki, bu barədə Danimarkanın xarici işlər naziri Lars Lökke Rasmussen NATO-ya üzv ölkələrin xarici işlər nazirlərinin Brüsseldə keçirilən toplantısından sonra ABŞ dövlət katibi Marko Rubio ilə görüşündə danışıb.
Nazirin sözlərinə görə, Qrenlandiya məsələsi rəsmi gündəmdə olmasa da, o, amerikalı həmkarı ilə söhbətində bu mövzuya toxunmaq məcburiyyətində qalıb.
"Fürsətdən istifadə edərək krallıq adından bir neçə məqamı vurğulamaq istədim. Amerika prezidentinin Qrenlandiyanı ələ keçirmək niyyəti və bu mövzuda davamlı bəyanatları heç bir şəkildə məqbul deyil. Bu, beynəlxalq hüquqa uyğun gəlməyən səviyyəyə çatıb. Mən onun sözlərimi diqqətlə dinlədiyini hiss etdim", – Danmarks radiosu Rasmussendən sitat gətirir.
Danimarka Xarici İşlər Nazirliyinin rəhbəri əlavə edib ki, Qrenlandiya təmsilçiləri olmadan bu məsələnin konkret müzakirəsi mümkün deyil
23:35 03.04.2025
Oxunuş sayı: 913
