Şəhid ailəsi üzvlərinə 41 minə yaxın tibbi xidmət göstərilib
Son üç ay ərzində şəhid ailəsi üzvlərinə 41 minə yaxın tibbi xidmət göstərilib.
Crossmedia.az xəbər verir ki, bu barədə TƏBİB-dən məlumat verilib.
Bildirilib ki, 2025-ci ilin üç ayı ərzində tibb müəssisələrinə ümumilikdə 3 480 şəhid ailəsi üzvü 11 651 tibbi xidmət üçün müraciət edib. Bu müraciətlər əsasında şəhid ailə üzvlərinə 40 681 müxtəlif adda tibbi xidmət göstərilib.
Tibbi xidmətlər, əsasən, terapevtik, kardioloji, endokrinoloji, nevroloji, laborator-diaqnostik, radioloji və s. kimi istiqamətlərdə olub.
“YAŞAT” fondu tərəfindən Hepatit B, C, onkoloji xəstəliklərdən əziyyət çəkən şəhid ailəsi üzvü olan vətəndaşların dərman vasitələrilə təmin olunmaları üçün 21 vətəndaş müraciəti araşdırılıb və müvafiq qaydada yönləndirilib.
Eyni zamanda məlumatda qeyd olunub ki, TƏBİB-in “815”, eləcə də İcbari Tibbi Sığorta üzrə Dövlət Agentliyinin “1542” Çağrı Mərkəzindən daxil olmuş 250 müraciət araşdırılaraq cavablandırılıb.
10:05 03.04.2025
Oxunuş sayı: 920
