Qazaxıstanlı professor Yaponiyada mühüm vəzifəyə təyin olundu
Professor Serik Meirmanov Yaponiyanın aparıcı universiteti olan Ritsumeikan Asiya Sakit Okean Universitetinin (APU) vitse-prezidenti (prorektor) vəzifəsinə təyin olunmuş ilk Qazaxıstan vətəndaşı olub.
Qazaxıstan Respublikasının Elm və Ali Təhsil Nazirliyinin mətbuat xidmətinin rəhbəri Oljas Berkinbayevin sözlərinə görə, bu təyinat tarixi hadisədir, çünki Qazaxıstan nümayəndəsi ilk dəfə olaraq Yaponiyanın təhsil müəssisəsinin rəhbərliyində belə yüksək vəzifə tutacaq.
Meirmanov bu vəzifəyə təyin olunmazdan əvvəl üç il həmin universitetdə tədris işləri üzrə dekanı vəzifəsində çalışıb. Qazaxıstanda ali tibb təhsili və Yaponiyada müdafiə etdiyi fəlsəfə doktoru elmi dərəcəsinə malikdir. Meirmanov Qazaxıstan Prezidenti yanında Elm və Texnologiya üzrə Milli Şuranın fəal üzvüdür və xarici ekspert kimi Milli Elmi Şuranın üzvüdür. Rəsmi inauqurasiya 2025-ci il aprelin 1-nə planlaşdırılıb.
Çinarə Tarverdiyeva
23:40 01.04.2025
Oxunuş sayı: 12920
