Tramp Putin üçün fürsətdir: Rusiya bundan istifadə edəcək
Rusiya Prezidenti Vladimir Putin ABŞ dövlət başçısı Donald Trampın Ukraynaya münasibətdə sərt mövqe tutmasını açıq sevinc göstərməsə də, Kremlin bu vəziyyətdən məmnun olduğu aydındır.
Crossmedia.az xəbər verir ki, bu barədə xarici KİV yazıb.
Fevralın 12-də Tramp və Putin ilk dəfə danışdıqdan sonra Moskva Vaşinqtonun "daha balanslı mövqe" tutduğunu vurğuladı. Tramp administrasiyasının ilk addımları Rusiyanın maraqlarına uyğun olub: ABŞ Kiyevə hərbi yardımı müvəqqəti dayandırıb, Rusiya liderlərini mühakimə etmək üçün yaradılan beynəlxalq qrupu tərk edib və BMT-də Rusiyanı müharibəyə görə günahlandıran qətnaməyə qarşı səs verib.
Qeyd edək ki, Moskvanın hədəfləri Kreml Trampı Rusiya ilə birbaşa danışıqlara çəkmək və Ukraynanın qərblə hərbi əlaqələrini zəiflətmək istəyir. Putin üçün ideal ssenari NATO ölkələrinin Ukraynaya silah və kəşfiyyat dəstəyi verməməsidir. Tramp buna razılaşarsa, Rusiya müharibəni dondurub gələcəkdə daha zəif Kiyevə qarşı yenidən hərəkətə keçə bilər.
Putin Trampı öz mövqeyinə çəkmək üçün müxtəlif üsullardan istifadə edir: Trampın ailə üzvləri və müşavirləri ilə əlaqələri gücləndirir, həmçinin ABŞ-lə Rusiya arasında tarixi və mədəni oxşarlıqları qabardır. Bundan başqa, Ukraynanın prezidentini zəiflətmək üçün Kiyevdə korrupsiya iddialarını gündəmə gətirilir. Başqa bir tərəfdən, ABŞ-nin İrana qarşı siyasətində vasitəçi olmağa hazır olduğunu bildirir.
Əgər Tramp gözləntiləri doğrultmasa, Moskva müharibəni davam etdirməyə hazırdır. Rusiya ordusunun canlı qüvvə baxımından üstünlüyü var və iqtisadiyyatı da hazırkı şəraitdə dayanıqlıdır. Kremlin fikrincə, Trampın hakimiyyəti Rusiyanın əlinə böyük fürsət verə bilər və Moskva bundan maksimum yararlanmağa çalışacaq.
Xumar Emilqızı
21:26 27.03.2025
Oxunuş sayı: 7554
