Fransa və Böyük Britaniya Ukraynaya birgə hərbi qrup göndərəcək
Fransa və Böyük Britaniya Ukrayna ordusunun gələcəkdə hazırlanması üçün formatı işləyib hazırlamaq məqsədilə Ukraynaya birgə hərbi qrup göndərəcək.
Crossmedia.az xəbər verir ki, bu barədə Fransa Prezidenti Emmanuel Makron Ukrayna üzrə Paris sammitindən sonra keçirilən mətbuat konfransında bildirib.
Makronun sözlərinə görə, Paris və London öz hərbçiləri ilə Ukraynalıları cəbhə xəttində əvəz etməyi planlaşdırmır, yalnız çəkindirici təsir yaratmağı hədəfləyir.
Bundan əlavə, Fransa lideri Paris sammitində iştirak edən ölkələrin xarici işlər nazirlərinin üç həftə ərzində Rusiya və Ukrayna arasında atəşkəsin monitorinqi ilə bağlı təkliflər hazırlayacaqlarını açıqlayıb.
Fidan Xəlilova
20:11 27.03.2025
Oxunuş sayı: 1559
