İsrailin müdafiə naziri: Qəzza zolağında əməliyyatı genişləndirəcəyik
İsrail Ordusu tezliklə Qəzza zolağında döyüş zonasını genişləndirəcək, bu səbəbdən yerli sakinlər təxliyə edilməlidir.
Crossmedia.az xəbər verir ki, bunu İsrailin müdafiə naziri İsrael Katz "X" sosial şəbəkəsində yerləşdirdiyi videomüraciətində bildirib.
"İsrail Ordusu tezliklə Qəzzanın əlavə ərazilərində tam qüvvə ilə fəaliyyət göstərəcək və sizdən təhlükəsizliyiniz üçün döyüş bölgələrini boşaltmağınız tələb olunacaq. Planlar artıq hazırlanıb və təsdiqlənib", - o deyib.
Katzın sözlərinə görə, HƏMAS hərəkatının silahlı tərəfdarları anklavın əhalisindən canlı qalxan kimi istifadə edirlər, ona görə də İsrail Qəzzada daha çox ərazini daimi nəzarətdə saxlamağa məcburdur.
“HƏMAS sizi evlərinizi və daha çox ərazinizi itirməyə məcbur etməklə həyatınızı təhlükə altına qoyur”, - Katz vurğulayıb.
23:05 26.03.2025
Oxunuş sayı: 1197
