Sudan Ordusu Xartum Beynəlxalq Hava Limanına nəzarəti ələ keçirdi
Sudanda hökumət qüvvələri paytaxt Xartumdan sonra şəhərin beynəlxalq hava limanını da nəzarətə götürüb. İranın dəstəklədiyi Sudan Ordusu, üsyançı "Çevik Reaksiya Qüvvələri"ni (RSF) strateji ərazidən sıxışdıraraq irəliləyişini davam etdirir.
Crossmedia.az-ın xarici mediaya istinadən verdiyi xəbərə görə, ordunun Xartumu demək olar ki, tam nəzarətə götürməsindən sonra bəzi ərəb ölkələrinin dəstəklədiyi RSF döyüşçülərinin şəhərin cənubundakı Cəbəl Avliya körpüsündən kütləvi şəkildə geri çəkildiyinə dair görüntülər yayılıb.
Münaqişənin başlanğıcından etibarən İran Sudan hökumətinə açıq dəstək verib. Tehran hökuməti münaqişədə rəsmi Xartuma modern hərbi texnika və pilotsuz uçuş aparatları (PUA) tədarük edib. Digər tərəfdən, bəzi ərəb ölkələrinin RSF-yə dəstək verdiyi bildirilir.
Sudanda ordu və RSF arasındakı qarşıdurma ötən ildən bəri ölkədə ciddi təhlükəsizlik böhranına səbəb olub. Son hadisələr Sudan Ordusunun üstünlük qazandığını göstərsə də, münaqişənin gedişatı hələ də qeyri-müəyyən olaraq qalır.
21:29 26.03.2025
Oxunuş sayı: 1233
