Ukraynada iki sülhməramlı missiyanın yaradılması müzakirə olunur
Ukrayna üçün iki fərqli sülhməramlı missiyanın yaradılması planı gündəmdədir.
Crossmedia.az xarici mənbəyə istinadən xəbər verir ki, plana əsasən, missiyalardan biri Birləşmiş Millətlər Təşkilatının (BMT) himayəsi altında Asiya və Cənubi Amerika ölkələrinin qoşunlarından ibarət olacaq, digəri isə Qərb ölkələrinin iştirakını nəzərdə tutur.
BMT kontingentinə Hindistan, Braziliya, İndoneziya və Səudiyyə Ərəbistanından olan qoşunların daxil edilə biləcəyi bildirilir. Bununla belə, İndoneziya Ukraynada sülhməramlılarını yerləşdirmək üçün müraciət aldığını, lakin bunu rədd etdiyini açıqlayıb. Plana əsasən, bu kontingent Ukrayna və Rusiya orduları arasındakı təmas xəttinə nəzarət etməlidir.
Digər sülhməramlı missiya isə Ukrayna ilə Avropa İttifaqı (Aİ) sərhədində yerləşdiriləcək. ABŞ-ın bu missiya çərçivəsində “səma nəzarəti”, radar və peyk izləmə sistemləri də daxil olmaqla, lazımi logistik və texnoloji dəstəyi təmin etməyə hazır olduğu bildirilir.
Məsələ ilə bağlı hələlik rəsmi qərar qəbul edilməsə də, beynəlxalq ictimaiyyət müzakirələri diqqətlə izləyir.
20:43 26.03.2025
Oxunuş sayı: 1094
