Rusiyada miqrantların rəqəmsal profili tətbiq ediləcək
Rusiya hökuməti ölkədə miqrantların qeydiyyatı və iş icazələri prosesini rəqəmsallaşdırır. Baş nazir Mixail Mişustinin sözlərinə görə, iyunun 30-dan etibarən miqrantların rəqəmsal profili istifadəyə veriləcək.
Crossmedia.az xarici KİV-ə istinadən xəbər verir ki, yeni sistem çərçivəsində miqrantların kağız formatında olan iş icazəsi – patentlər rəqəmsal profillə əvəz olunacaq. Bu addım miqrasiya prosesinin daha şəffaf və səmərəli idarə olunmasına xidmət edəcək.
Rusiyada 640 minə yaxın xarici vətəndaş qeyri-qanuni miqrant kimi qeydə alınıb. Bu barədə hökumət başçısı Mixail Mişustin məlumat verib.
Fevral ayından etibarən ölkədə qeyri-qanuni miqrantların çıxarılması prosesi həyata keçirilir. Baş nazirin sözlərinə görə, belə şəxslər aprelin 30-dək ya öz statuslarını leqallaşdırmalı, ya da ölkəni tərk etməlidirlər.
Bu qərar miqrasiya qaydalarının sərtləşdirilməsi və ölkədə qanunsuz əmək fəaliyyətinin qarşısının alınması məqsədilə qəbul edilib.
20:28 26.03.2025
Oxunuş sayı: 6693
