Ermənistan baş prokuroru eks-deputat Ovik Aqazaryana qarşı cinayət təqibi tələb edib
Ermənistanın baş prokuroru parlamentə keçmiş deputat, hakim "Vətəndaş Sazişi" partiyasının üzvü Ovik Aqazaryana qarşı cinayət təqibinin başlanması üçün vəsatət təqdim edib.
Crossmedia.az xəbər verir ki, bu barədə xarici KİV yazıb.
Aqazaryana iki epizod üzrə ittiham irəli sürülüb: saxta sənədlərlə mal-qara ixracı və rüşvət alma. Bundan əvvəl o, dövlət sirrinin sızdırılması ittihamı ilə də istintaqa cəlb olunmuşdu. Əgər parlament onun toxunulmazlığının ləğvinə razılıq versə, keçmiş deputat cinayət məsuliyyətinə cəlb oluna bilər.
Bundan əlavə, müxalif "Şərəfim var" fraksiyasının deputatı, İrəvanın keçmiş meri Taron Marqaryanın da deputat toxunulmazlığından məhrum ediləcəyi gözlənilir. Ona məktəb və uşaq bağçalarının torpaq sahələrinin qanunsuz özəlləşdirilməsi ittihamı irəli sürülüb.
Xumar Emilqızı
14:29 26.03.2025
Oxunuş sayı: 6300
