Trampın müşaviri məsuliyyəti öz üzərinə götürdü
ABŞ prezidentinin milli təhlükəsizlik məsələləri üzrə müşaviri Maykl Uolts Yəməndəki hərbi əməliyyatla bağlı hökumət planlarının xidməti çatda ehtiyatsızlıqdan jurnalistlə paylaşılmasına görə məsuliyyəti öz üzərinə götürüb.
Crossmedia.az xəbər verir ki, bu barədə xarici KİV-lər məlumat yayıb.
Məlumata görə, Uoltz “Siqnal” çat qrupunun məhz onun tərəfindən yaradıldığını və məqsədin sadəcə hər şeyin əlaqələndirilməsi olduğunu vurğulayıb. Lakin o "Atlantic"in baş redaktoru Ceffri Qoldberqin qəsdən qrupa əlavə edilməsi ehtimalını istisna edib. Onun sözlərinə görə, həmin şəxs yazışmada başqa biri kimi görünürdü.
Ağ Evin nümayəndəsi əlavə edib ki, artıq bu məsələ ilə bağlı ABŞ-nin Hökümət Səmərəliliyii İdarəsinin rəhbəri İlon Mask ilə müzakirələr aparıb. Hazırda mütəxəssislər sızmanın necə baş verdiyini araşdırırlar.
Qeyd edilir ki, amerikalı məmurların qapalı çatından Yəmənə endirilən zərbələr barədə məlumatların sızması ilə bağlı qalmaqal "Atlantic" jurnalında məqalə dərc edildikdən sonra baş verib. Nəşrin redaktoru Ceffri Qoldberq yazısında bildirib ki, martın 11-də "Maykl Uolts" istifadəçisindən Signal messencerinə qoşulmaq üçün sorğu alıb.
Daha sonra jurnalist “Husilər – kiçik qrup” adlı qrup çatına əlavə edildiyinə dair bildiriş alıb. Qoldberqin iddiasına görə, çatda istifadəçi Pit Heqset (Pentaqon rəhbəri) husilərə qarşı planlaşdırılan zərbələrin təfərrüatlarını paylaşan mesaj yayıb.
11:15 26.03.2025
Oxunuş sayı: 5252
