Xarici xəbərlər
Çexiyada sursat anbarında partlayış
Çexiyanın Poliçka şəhərində ölkənin yeganə artilleriya sursatı zavodu olan STV Groupun ərazisində güclü partlayış baş verib. Crossmedia.az xarici KİV-ə istinadən xəbər verir ki, partlayış TNT partlayıcı maddəsi və sursat saxlanan anbarda qeydə alınıb.
Hadisə nəticəsində 1 nəfər ağır yaralanıb. Dağıntılar altında qalan yaralı helikopter vasitəsilə xəstəxanaya çatdırılıb.
Əraziyə 11 yanğınsöndürmə qrupu, o cümlədən 3 ədəd zirehli yanğınsöndürmə maşını cəlb olunub. Polis təhlükəsizlik məqsədilə ərazidə olan bütün insanları təxliyə edib.
Hadisənin səbəbləri araşdırılır.
09:23 26.03.2025
Oxunuş sayı: 10986
