Xarici xəbərlər
Ukrayna və ABŞ arasında əlavə danışıqlar keçiriləcək
Ukrayna və ABŞ nümayəndələri arasında əlavə danışıqlar Səudiyyə Ərəbistanının paytaxtı Ər-Riyadda baş tutacaq.
Crossmedia.az xəbər verir ki, bu barədə Ukrayna Prezidenti Volodimir Zelenskinin ofisinin müşaviri Sergey Leşşenko məlumat verib.
Leşşenkonun sözlərinə görə, Ukrayna nümayəndə heyəti hazırda Səudiyyə Ərəbistanında qalır və Rusiya-ABŞ görüşündən sonra Vaşinqtonla əlavə məsləhətləşmələr aparmağı planlaşdırır.
Qeyd edək ki, daha əvvəl The New York Times nəşri də Kiyev və Vaşinqton arasında yeni danışıqlar raundunun mümkünlüyü barədə məlumat yayıb.
Xumar Emilqızı
15:25 24.03.2025
Oxunuş sayı: 968
