Gürcüstandan Azərbaycana qarşı hörmətsizlik: Separatçılığa dəstək?
Martın 23-də Tbilisidəki “Dinamo” stadionunda Gürcüstan və Ermənistan milli komandaları arasında keçirilən futbol matçı zamanı erməni azarkeşlərin olduğu sektorda separatçı qurumların bayraqları nümayiş etdirilib. Hadisə Gürcüstan ictimaiyyəti tərəfindən ciddi reaksiya doğurmasa da, bu təxribatdan narazılıq bildirən gürcü azarkeşlərinin ittiham olunması cəmiyyətdə müzakirələrə səbəb olub.
Crossmedia.az "Bez Tormozov" teleqram kanalına istinadən xəbər verir ki, provokasiya xarakterli bu hərəkətlər Gürcüstanın öz ərazisində separatizmin yayılmasına göz yumduğu və ya buna şərait yaratdığı suallarını ortaya çıxarıb. Gürcüstanın işğal altında olan Abxaziya və Tskinvali bölgələrinə münasibətdə sərgilədiyi mövqe fonunda bu cür halların qarşısının alınmaması bəzi dairələr tərəfindən tənqid edilib.
Məsələ ilə bağlı Gürcüstan rəsmilərindən rəsmi açıqlama verilməsə də, sabiq prezident Salome Zurabişvili gürcü azarkeşlərin ittiham olunmasına artıq erməni tərəfinə üzrxahlıq edib. Hadisənin səbəbləri və Gürcüstanın bu məsələyə münasibəti ilə bağlı rəsmi mövqe gözlənilir.
Zeynəb Yunuszadə
13:31 24.03.2025
Oxunuş sayı: 1608
