Ermənistanın Suriyada humanitar əməliyyatlarda iştirakı Azərbaycana və Türkiyəyə qarşı çevrilmiş addımdır - RƏY
Türkiyənin Ermənistanla Əlican- Marqara keçid məntəqəsini açması birmənalı qarşılanmayıb. Belə ki, keçid məntəqəsi Ermənistanın Suriyaya humanitar yardım göndərməsi üçün açılıb. Martın 21-də açılan keçid məntəqəsindən martın 31-dək Suriyaya humanitar yardım daşınacaq. Sonra isə fəaliyyəti dayandırılacaq.
Rəsmi Ankaranın bu addımını Crossmedia.az-a şərh edən siyasi şərhçi Aydın Quliyev qeyd edib ki, Azərbaycanın ərazilərini 30 il işğalda saxlamaq, işğala son verilməsi barədə beynəlxalq siyasi - diplomatik tələblərə məhəl qoymamaq, Azərbaycanın ərazilərində misilsiz cinayətlər törətmək, problemin həllinin müharibə yolunu qaçılmaz etməklə minlərlə insanın həlak olmasına bais olmaq Ermənistanın dünyada reytinqini sıfıra endirdi. Heç kim inkar etmir ki, Ermənistan dövlətinin müharibədən sonrakı bütün siyasi - diplomatik səyləri rüsvay edilmiş imicin bərpasına yönəldilib. Bu yolda yorulmadan fəaliyyət göstərirlər. Azərbaycanın ərazilərini 30 il işğalda saxlamaq, işğala son verilməsi barədə beynəlxalq siyasi - diplomatik tələblərə məhəl qoymamaq, Azərbaycanın ərazilərində misilsiz cinayətlər törətmək, problemin həllinin müharibə yolunu qaçılmaz etməklə minlərlə insanın həlak olmasına bais olmaq Ermənistanın dünyada reytinqini sıfıra endirdi. Heç kim inkar etmir ki, Ermənistan dövlətinin müharibədən sonrakı bütün siyasi - diplomatik səyləri rüsvay edilmiş imicin bərpasına yönəldilib. Bu yolda yorulmadan fəaliyyət göstərirlər".
O, bildirib ki, Ermənistan hakimiyyətinin dünyada imic bərpa etmək siyasətinin əsas istiqamətlərindən biri beynəlxalq humanitar əməliyyatlarda iştirak etmək cəhdləridir: "Məsələn, Ermənistan hakimiyyəti bu gün Suriyada humanitar yardım və humanitar xilasetmə əməliyyatlarına qoşulmaq üçün dəridən- qabıqdan çıxır. Ermənistan rəhbərləri bu yolla həm 30 il Azərbaycan torpaqlarında beynəlxalq siyasi hüquqa və beynəlxalq humanitar hüquqa qarşı törətdikləri cinayətlərdən diqqət yayındırmaq istəyir, həm də Suriyanın keçmiş prezidenti Bəşər Əsədin on illər boyu xalqa qarşı törətdiyi cinayətlərin ortağı olduqlarını dünya ictimaiyyəti üçün görünməz etmək istəyirlər. Ötən ilin dekabrınadək Ermənistan baş naziri Nikol Paşinyan Suriyada sülhyaratma əməliyyatlarında iştirak etmək adı altında əslində qanlı diktator Bəşər Əsədin ən yaxın dəstəkçilərindən biri deyildimi? Hər şey nə tez unuduldu və Ermənistan hansı əllərin köməyi ilə dünənə qədər haqq səsini qan içində boğmağa çalışdığı Suriya xalqına bu gün humanitar kömək edən qüvvələrdən birinə çevrilib? Ermənistan dövləti bu gün Suriya xalqına humanitar yardımlarda iştirak etməkdən qabaq cəmi 5 ay əvvələ qədər Suriya xalqına Əsədlə birlikdə qan uddurduğunun hesabını verməlidir. Bu cəhətdən Ermənistanın Suriyada humanitar əməliyyatlara buraxılması qətiyyən düzgün siyasət deyil. Ermənistan nə dövlətdir ki, onun yardımı Suriya xalqı üçün guya müstəsna əhəmiyyət kəsb edə bilsin?! Ermənistan özü müxtəlif ölkələrdən dünənə qədər dilənçi payı toplayan ölkə olduğu halda, bu gün Suriyanın humanitar nicat qapılarından birinə çevrilməsi necə mümkün sayıla bilər?".
Müsahibimizin fikrincə, anlaşılmaz təzahürlərdən biri Ermənistanın Suriyaya "humanitar yardımı" qardaş ölkəmiz olan Türkiyənin üzərindən həyata keçirməsidir: "Ermənistanın Suriyaya "humanitar yardımına"şırait yaratmaq üçün Əlican- Marqara keçid məntəqəsini hətta 10 günlüyə müvəqqəti açmaq nə qədər doğru addımdır? Biz bilirik ki, qardaş Türkiyə Ermənistanın Azərbaycana qarşı birbaşa addımlarına imkan və şərait verməyəcəyini həmişə bəyan edib. Belə ki, Ermənistanla siyasi, diplomatik münasibətlər qurmur, iqtisadi - ticarət əlaqələrinə getmir. Açıq deyir ki, Azərbaycanla sülh sazişi imzalanana kimi Ermənistan bunu görməyəcək. Ancaq Ermənistan bəzən birbaşa olmayan üsullarla Azərbaycanın mənafelərinə zidd addımlar atır. Onun bu gün Suriyada humanitar əməliyyatlara qoşulması həm Azərbaycana, həm qardaş Türkiyənin özünə, , həm də bütün türk dünyasına qarşı çevrilmiş gedişdir. Bizlər sübut etməyə çalışırıq ki, Ermənistan təcavüzkar dövlət olub, insanlıq əleyhinə cinayətlər və müharibə cinayətləri törədib və sair. Ancaq Ermənistan əks addımlarla dünyaya göstərir ki, xeyr, biz sivil ölkəyik və Suriyada humanitar əməliyyatların mühüm tərəfdaşlarından biriyik.
Məncə, Ermənistanın Suriyaya humanitar yardımları xatirinə Türkiyə - Ermənistan sərhəddində Əlican- Marqara keçid məntəqəsi hətta müvəqqəti də olsa açılmamalı idi. Ermənistanın Suriyaya humanitar yardım göstərməsi hansısa arqumentlərlə bu qədər vacibdirsə, qoy bunu qardaş Türkiyənin üzərindən yox, hələlik başqa marşrutlarla həyata keçirsin. Ona görə hələlik deyirəm ki, Ermənistan Azərbaycanla münasibətləri normallaşdırmaq üçün gərəkli işləri hələ tam görməyib.
Kənan Novruzov
13:25 24.03.2025
Oxunuş sayı: 14966
