Tayvan “Sürətli Cavab” Təlimlərinə Başladı
Tayvan, Çinin hərbi təlimlərinin hücuma çevrilmə ehtimalına qarşı hazırlığı gücləndirmək məqsədilə beş günlük “sürətli cavab” təlimlərinə start verib.
Crossmedia.az xəbər verir ki, bu hərbi təlimlər, Çinin Tayvan yaxınlığında 59 döyüş təyyarəsi və hərbi gəmi yerləşdirməsi fonunda keçirilir.
Pənxu adasında zenit batareyası hava hücumuna qarşı müdafiə ssenarisini məşq edərək, düşmən hava hədəflərinin vurulmasını simulyasiya etdi. “Stinger” zenit raketləri ilə hədəflərə atəş açıldı.
6-cı Ordunun 584-cü tank briqadası, Sinyuçunun Hukou yaşayış məntəqəsində, CM-11 tankları və “Yunbao” təkərli zirehli texnikasının döyüş sursatı və yanacaqla təchizatı üzrə tapşırıqları yerinə yetirdi.
8-ci Ordunun 333-cü mexanikləşdirilmiş briqadası, Pindun vilayətində hücum edən düşmənə qarşı müdafiə ssenarisində iştirak edərək zirehli texnikadan istifadə etdi və mühüm obyektlərin müdafiəsini təmin etdi.
10-cu Ordunun 36-cı KBRN (radiasiya-kimyəvi-bioloji müdafiə) batalyonu, Tayçjun şəhərində şərti olaraq çirklənmiş hərbi texnikanın dekontaminasiya işlərini həyata keçirdi. Hərbçilər NPS-108 ümumqoşun müdafiə geyimlərindən istifadə edib.
11:15 24.03.2025
Oxunuş sayı: 8583
