Zelenski Putini “xəyalpərəst” adlandırdı
Rusiya Prezidenti Vladimir Putin dəfələrlə bəyan edib ki, Rusiya və Ukrayna 2022-ci ilin aprelində İstanbulda keçirilən danışıqlarda hərbi əməliyyatları dayandırmaq üçün razılığa gəlmək üzrə idilər. Lakin rus qoşunları Kiyev yaxınlığından geri çəkildikdən sonra Ukrayna bu razılaşmadan imtina edib.
Crossmedia.az xarici mediaya əsasən bildirir ki, həmin razılaşmada Ukraynanın geosiyasi baxımdan neytral statusu qəbul etməsi, NATO-ya qoşulmaması, silahlı qüvvələrinin sayını məhdudlaşdırması və ölkənin şərqinə xüsusi statusun verilməsi kimi müddəalar yer alıb.
İstanbuldakı danışıqlara toxunan Ukrayna Prezidenti Volodimir Zelenski bunları deyib:
“Ukrayna Rusiya Federasiyasının ultimatumuna razı olmayıb. Onlar bu ultimatumda mövqelərini yumşaltmaq üçün müəyyən addımlar atmağa çalışırdılar. Xatırlayırsınızsa, bu görüşlər Belarusda və Türkiyədə keçirilmişdi. Lakin bütün bunlar İstanbul razılaşmaları deyildi. Ukrayna heç bir sənəd imzalamayıb – və belə bir müqavilə mövcud deyil. Biz sadəcə Rusiya tərəfinin ultimatumuna cavab vermişdik, vəssalam…
Ordumuzu məhv etmək istəyirdilər ki, ölkədə cəmi 40-50 minlik hərbi qüvvə qalsın. Başqa sözlə, Ukraynanın təslim olmasını, münaqişənin dondurulmasını və gələcəyimizin istiqamətinin dəyişdirilməsini istəyirdilər. NATO və Avropa İttifaqına üzvlük əvəzinə bizi Rusiyanın təsir dairəsinə yönəltməyə çalışırdılar.”
Zəhra Ağayeva
22:11 14.03.2025
Oxunuş sayı: 834
